Арча татар теле укытучылары үрнәге

Арчада район педагогларының август конференциясе кысаларында «Заман укытучысына – заманча таләпләр» дип аталган татар теле һәм әдәбияты укытучыларының секция утырышы узды. 


Район мәгариф идарәсенең милли мәгариф өчен җаваплы методисты Энҗе Мостафина узган ел нәтиҗәләре белән таныштырды, 2019-2020нче уку елына методик берләшмә эшен планлаштыру белән таныштырды. Шулай ук районның алдынгы туган телчеләре тәҗрибә белән уртаклашты. «Туган тел» бөтенроссия туган тел һәм әдәбият укытучыларының мастер-класслар бәйгесендә «Туган телләрне укытуда заманча технологияләрне эффектив куллану» номинациясе җиңүчесе Гөлназ Йосыпова, «Иң яхшы татар теле һәм әдәбияты укытучысы – 2019» бөтенроссия бәйгесе җиңүчесе Рәдиф Исмәгыйлев үз дәресләрендә эшләү алымнары белән таныштырды.

Ландыш НӘСЫЙХОВА