Биюче егет һәм кызлар 11нче сыйныфны тәмамлады

Быел Г. Тукай исемендәге Мөслим урта мәктәбендә соңгы кыңгырау бәйрәме аеруча үзенчәлекле булды. 11 нче сыйныфны тәмамлаучы 16 укучыны тантанага бәйрәмчә бизәлгән кыңгыраулы кортеж алып килде.



Егет-кызлар тантаналы музыка астында кызыл келәмнән атлады, укучыларга һәм кунакларга йолдызларча сәлам юллады. Мөслимебезнең «Ык буйлары» бию ансамбленә йөреп, район, республикада гына түгел, Россия күләмендә узган төрле бәйгеләрдә катнашып, гел алдынгы рәттә булган чыгарылыш сыйныф укучылары киләчәктә дә сынатмас дип ышанып калабыз. (Гөлшан МӘҮЛИЕВА, педагог-оештыручы)