«Гаилә һәм мәктәп» журналының ноябрь саны дөнья күрде

Катип ага Вәлиевнең хәтере, зиһене һәркем сокланырлык. «Чү, ашыкма», – дип көне, сәгате белән сөйли торган кеше. «Азнакайнефть» идарәсенең производствоны автоматлаштыру цехында эшләп лаеклы ялга чыгуына да инде шактый гомер үткән. Инде өч баласының икесе 30ар ел эшләп лаеклы ялга чыккан. Штурвал нефтьчеләр династиясенең өченче буыны – оныклары кулында бүген. Вәлиевләр династиясе өчен тормышның ТӘРТИП белән баруының хикмәте буыннар бәйләнешендә, мөгаен. Журналыбызда үрнәк гаилә, хезмәт тәрбиясе, ата-бала мөнәсәбәтләре турында сөйләшкәндә, бу санда сүзне 92 яшьлек аксакалга бирәбез.1обл (3)Һәр анага баласы кадерле. Тик еш кына баланы яклап йөри-йөри чама хисләре онытыла, башкаларның хисләренә һәм хокукына тигән чикләр дә узыла. Казан шәһәрендә 4нче мәктәп-интернатта балалар арасында килеп чыккан юк кына низагтан башланган тавыш шулкадәр күпергән ки, түземнәре чиккә терәлгән әти-әниләр яклау һәм ярдәм сорап безнең редакциягә мөрәҗәгать итте. «Бердәнбер теләгебез – балаларны һәм мөгаллимнәрне тынычлыкта калдырсыннар»,– ди алар. Чөнки бер ана кеше мәктәп директорына 30 шикаять язып, аны эш урыныннан китәргә мәҗбүр иткән. Мөгаллимнәрне кем яклар? Бу хакта журналдагы язманы укып белә аласыз.

ЮХИДИ хезмәткәренә 10 яшь була аламы? Кайбыч районы Борындык авылы укучылары Европаны ни белән шаккаттырган? Грузиядә туристларны ничек кунак итәләр? Ничек шәҗәрә төзергә? Тимер аяклы кешегә нигә арысланнар тими? Киелми яткан артык киемнәрне кемгә тапшырырга?

Кызыкмы? Кызык шул! Бик күп кызыклы һәм файдалы язмаларны «Гаилә һәм мәктәп» журналының ноябрь саныннан укыгыз.

Комментарий

  1. Рашит Габдуллин

    Бик яхшы журнал, котеп алабыз хэр айны! Кызыклы материаллар, хатын-кызларга рецеплар, вакыт уздырырга сканвордлар да бар!!! Яратып укыйбыз семья белэн!

Добавить комментарий

Ваш e-mail не будет опубликован. Обязательные поля помечены *