«Иң зур түбәтәй 5500 сум тора»

Казанның матбугат үзәгендә журналистларга түбәтәйләр ясау буенча мастер-класс күрсәтелде.  Түбәтәйләр ясау остасы Гүзәл Тимербулатова матбугат хезмәткәрләрен түбәтәй-калфаклар тарихы белән таныштырды, үзенең эшчәнлеге турында сөйләде. 

Түбәтәйләр эшләү белән Гүзәл инде биш ел шөгыльләнә икән. Ул түбәтәйләрен бәрхеттән тегә һәм вак-вак сәйләннәр белән бизи.  Бер түбәтәйне эшләү өчен ике атна чамасы вакыт таләп ителә. Барысы да түбәтәйләрнең зурлыкларына, бизәк төрләренә бәйле. Шуннан чыгып, бәяләр дә билгеләнә. «Иң зур түбәтәй 5500 сум тора», - ди оста.

Шулкадәр күп вакыт, сабырлык таләп итә торган, тулысынча кул эше булган әлеге түбәтәйләр өчен бу, чыннан да,  гадел хактыр.