Мәктәпләргә - гольф!

Яңа уку елы башлану белән республика мәктәпләрендә гадәти булмаган проект старт алды. Ул “Мәктәпкә - гольф!” дип атала. Казанның 16 мәктәбе әлеге проектта катнашырга теләк белдергән инде. Аның кысаларында физкультура дәресләрендә 3әр сәгать, яки дәресләрдән тыш гольф дәресләре үткәреләчәк.

Бу мәктәпләрдә уку-күнекмәләр җиһазлары алу өчен дәүләттән 1743,2 мең акча бүлеп бирелгән. Узган ялларда “Зөя калкулыклары” (“Свияжские холмы”) гольф-клубы каршында Татарстан Президенты Кубогына VI Хәйрия турниры башланды. Президент Рөстәм Миңнеханов Казан шәһәре башлыгының беренче урынбасары Рөстәм Нигъмәтуллинга гольф җиһазлары алу өчен сертификат бүләк итте.

Гольф уены, аның республикадагы торышы турында “Гаилә һәм мәктәп” журналының июль саныннан укый аласыз.