Казанга «Җиңү поезды» килә

23 апрельдә мемориаль «Җиңү поезды» Түбән Новгородтан кузгалып, Горький тимер юлы буенча сәяхәт кылачак. Маршрут 45 станцияне колачлый, аларда тантаналы чаралар һәм концертлар узачак. Казанга поезд 30 апрельдә 9:00 сәгатьтә киләчәк һәм анда бер сәгать булачак.

«Җиңү поезды» составына легендар Л-4302 серияле паровоз, хәрби техника белән алты платформа, санитар вагон һәм кыр кухнясы булган ике вагон-теплушка керә.

Сәяхәт 6 майда Түбән Новгородта митинг һәм «Козьма Минин» бронепоездына чәчәкләр салу белән тәмамланачак.

Акция 1941–1945 еллардагы Бөек Ватан сугышында Җиңүнең 80 еллыгына багышлана.

Фото: Горький тимер юлы матбугат хезмәте