Батыр кеше

08 мая 2024 Магариф

Әтиебез, дәү әтиебез Яруллин Кәлимулла Ярулла улы – Ленинград фронты 296 нчы укчы полкы 13 нче укчы дивизиясе старшинасы- сугышка 1941 елның июнендә Биектау районы Ямаширмә авылыннан китә

Берлинга кадәр барып җитә, сугыштан 1947 елда гына кайта. Сугыштан фидакярлеге,батырлыгы өчен орден-медальләр белән бүләкләнә: Кызыл Йолдыз ордены, "За отвагу", "За боевые заслуги", "За оборона Ленинграда", " За освобождение Берлина" һәм башкалар.
Фронтта башланган чын дуслык сугыштан соң да дәвам итте, алар үзара хат алышып, кунакка йөрешеп яшәделәр. Ул дуслыкны хәзер без -фронтовикларның оныклары дәвам итәбез.
Хөрмәтле фронтовиклар, тыныч тормыш, аяз күк йөзе өчен сезнең алда баш иябез, хәтеребездән чыгармыйча, үзебезнең балаларыбызга, оныкларыбызга хатирәләрне тапшырабыз.

Материал, фото: Рәсимә Шамсутдинова

#нашБесмертныйполк