Данис Зарипов балалар белән очрашуда: «Хоккей – минем тормышым»
«Волга» яшьләр үзәгендә Россия хоккейчысы, өч тапкыр дөнья чемпионы һәм биш тапкыр Гагарин Кубогын яулаган Данис Зарипов Россиянең 21 төбәгеннән «Асыл» татар лидер балалар мәктәбе катнашучылары белән очрашты дип хәбәр итә ТР Яшьләр эшләре министрлыгы.
Данис Зарипов балалар белән спорт карьерасының башлануы турындагы хатирәләре белән уртаклашты, үз алдыңа максатлар куюның һәм аларга ирешү өстендә тырышып эшләүнең, ә аларга ирешкәч, мактанмауның мөһимлеге турында сөйләде.
«Беренче адымнардан ук кәшәкәм һәм алкам бар иде. Әни кибеткә җибәргәндә, үзем белән кәшәкә ала идем. Хоккей – минем тормышым», – дип билгеләде ул.
Россиянең 21 төбәгеннән балалар «Идел» яшьләр үзәге чарасына лидерлык сыйфатларын үстерү, үзләренең милли мәдәниятен саклау һәм популярлаштыру максатыннан килделәр. Мәктәпнең һәр көне билгеле бер темага багышлана, ул программаның барлык чаралары: үз-үзеңне тәкъдим итү, мәдәни код, сәламәт яшәү рәвеше, эшлекле коммуникацияләр, бизнес һәм дипломатия нигезләре, шулай ук патриотизм нигезләре аша уза. Бүгенге көн сәламәт яшәү рәвешенә багышланган иде.
Фото: ТР Яшьләр эшләре министрлыгы сайты
Язмага реакция белдерегез
Вход на сайт
ТӘКЪДИМ ИТӘБЕЗ
Комментарийлар