«Эпоха традиций » камера музыкасы фестивале беренче тапкыр Казанда узачак

Проектның инициаторы һәм сәнгать җитәкчесе – виолончелист Сергей Пономарев, Муса Җәлил исемендәге Татар академия дәүләт опера һәм балет театры оркестры солисты.

Фестиваль программасында – С.Сәйдәшев исемендәге Зур концертлар залы сәхнәсендә камера музыкасының 4 кичәсе, шулай ук лекцияләр һәм мастер-класслар. Проект мәдәни инициативаларның Президент фонды ярдәмендә тормышка ашырыла.