Яңартылган «Электрон мәгариф» системасында татарча материаллар булачак

Татарстан мәгариф һәм фән министры Илсур Һадиуллин яңартылган «Электрон мәгариф» системасында татарча материаллар булачагын белдерде.

Илсур Һадиуллин сүзләре буенча, киләчәктә республика укытучылары эшләгән видеодәресләр, укыту буенча материаллар урнаштырылачак. 

Пресс-конференциядә әйтелгәнчә, яңартылган «Татарстан Республикасы электрон мәгариф» мәгълүмат системасы алга таба укытучыларның эшен җиңеләйтәчәк. Дәрес планнарын, укучыларга кирәкле мәгълүматны әлеге платформадан гына эшләп булачак.