Иң яхшы укучыларга — планшет

Имтиханнарны 100 баллга тапшырган укучыларга планшетлар тапшырганнар. Алабуга районы башлыгы Рөстәм Нуриев БДИда максималь балл җыйган чыгарылыш укучылары белән очрашты.
Район җитәкчесе кызларның имтиханда ирешкән уңышларын билгеләп үтте һәм аларга планшетлар һәм чәчәкләр тапшырды. Бу елны мондый югары нәтиҗәне Алабугада ике кыз күрсәткән. 4нче гимназия укучысы Виктория Осипова һәм 6 нчы мәктәп укучысы Вероника Хөсәенова рус теле буенча инмтиханнан 100 балл алдылар.
Чыгарылыш сыйныф укучылары алар өчен имтиханның гади генә сынау булмавын таныдылар.
Кызлар Казан федераль университетына укырга керергә планлаштыралар.