Казан һәм Питер икенче урында

Ярыштан җиңү белән кайткан укучыларны  Казан тимер юл вокзалында ТР мәгариф һәм фән министры  Илсур Һадиуллин каршы алды. «Республика делегациясе 254 кешедән торды, шуларның 103 е-конкурсантлар иде. Алар барлык компетенцияләрдә дә актив катнашты. Татарстан җыелма командасы барлыгы 76 медаль яулады. Бу чемпионатта җиңүчеләрне предприятиеләрдә көтәләр,  аларның берсе дә югалып калмаячак», – дип  сөйләде ул.
 Милли чемпионат нәтиҗәләре буенча якташларыбыз аерып әйткәндә: 30 алтын, 26 көмеш һәм 20 бронза медальгә ия булдылар. «Абилимпикс» илкүләм чемпионаты 70 компетенция буенча узды. Ярышта беренче урынны  Мәскәү, икенче урынны Татарстан белән Санкт-Петербург командалары бүлеште,  өченче урынны Мәскәү өлкәсе алды. 

 Фотолар ТР Мәгариф һәм фән министрлыгы сайтыннан