Мәктәп укучылары К.Насыйри бәйгесендә катнаша ала

Иҗади бәйгедә 10–15 яшьлек мәктәп укучылары катнаша ала. 
Проектның максаты: бөек мәгърифәтче К.Насыйри шәхесе, аның бай иҗатын өйрәнү, әдәби мирасын пропагандалау, саклау, галимгә карата кызыксыну уяту, туган ягына игътибарны арттыру.

«К. Насыйри туган җирен торгызу» фонды директоры Асия Гобәйдуллина хәбәр иткәнчә, әлеге проект татар галименең зур әдәби мирасы белән таныштыру, шәхесенең иҗатына мәхәббәт тәрбияләү, катнашучыларның иҗат мөмкинлекләрен ачу, әдәби татар телендә аралашу, иҗат итү өчен шартлар тудыру бурычын куя.  
Иҗат эшләре бәйгесендә  тәкъдим ителгән тематик юнәлешләр буенча рәсем, аппликация һәм картиналар А4 яисә А3  форматында 2024 елның 1 февраленә кадәр  кабул ителә. Гаризаларны shaki-ramil@yandex.ru электрон почтасына җибәрә аласыз. 

Бәйгене «К. Насыйри туган җирен торгызу» фонды Бөтендөнья татар конгрессы белән берлектә уздыра. 

Материал, фото: Мөршидә Кыямова