Россиядә гражданнарның судтан тыш банкротлык кагыйдәләре үзгәртелгән

Быел 3 ноябрьдә үз көченә кергән банкротлык турындагы законга үзгәрешләр кертелгән. Судтан тыш банкрот дип тану процедурасы белән файдалана алучы затлар даирәсе шактый киңәйгән. Бу хакта матбугат конференциясендә Татарстандагы Күпфункцияле үзәк директоры урынбасары Руслан Нигъмәтуллин хәбәр итте.
"Төп керемнәре пенсия яки социаль түләүләр генә булса, бу хокук белән пенсионерлар һәм социаль түләүләр алучылар куллана ала башлый", - диде ул.
Спикер билгеләп үткәнчә, әлеге гражданнар түләтү өчен милеккә ия булырга тиеш түгел, ә башкарма документ 1 ел алдан тапшырылырга тиеш.
Исегезгә төшерәбез, судтан тыш банкротлык процедурасы 2022 елның сентябреннән Россия Президенты Владимир Путин имзалаган закон нигезендә гамәлгә керде.