«Туган Батыр» проекты илкүләм конкурста җиңүче

"Туган Батыр" проекты «Безнекеләрне бел» («Знай наших») үсеп килүче брендлар конкурсында җиңүче булды.

29 февральдә Мәскәүдә Россиянең үсеп килүче брендлары конкурсына йомгак ясалды, анда 12 000 нән артык эшмәкәр катнашты.

Үз брендларына актив ярдәм итүче төбәкләр арасында оештыручылар Татарстан Республикасын билгеләп үттеләр. Безнең республикадан барлыгы 2212 гариза килгән һәм бу бер төбәктән иң күп сан.

«Туган Батыр» халыкара проекты «Анимация» номинациясендә җиңүче булды (СОЮЗМУЛЬТФИЛЬМ партнеры). Сүз уңаеннан, проект –Татарстаннан бердәнбер җиңүче.

Җиңүчеләрне Россия Президенты ярдәмчесе М.С.Орешкин, «ОРТ/Беренче канал» АҖ генераль директоры К.Л. Эрнст, Россия дәүләт эшлеклесе И.И Шувалов, мәдәният министры О.Б.Любимова котлады.