Яшьләр эшләре министрлыгы милли уку-укыту программасы әзерли

ТР Яшьләр эшләре буенча министрлык  яңа уку-укыту программасы булдырачак. Бу хакта журналистларга министрның беренче урынбасары Тимур Сөләйманов хәбәр итте. 
«Министрлыкта Бөтендөнья татар яшьләре форумы, «Идел» үзәге, «Сәләт», Татарстан халыкларының яшьләр ассамблеясы лидерлары белән түгәрәк өстәл уздырдык. Анда махсус милли проект турында сөйләштек» - диде Тимур Җәүдәт улы.
Күздә тотылган башлангыч милли проектларны актуальләштерә торган махсус уку-укыту программасы булачак.