Синоптиклар бүген җилнең көчәю ихтималы турында кисәтә

Татарстан Гидрометеорология һәм әйләнә-тирә мохитне күзәтү идарәсе бүген җилнең көчәю ихтималы турында кисәтү таратты. Төньяк-көнбатыштан, шулай ук юнәлешен үзгәртеп, көньяк-көнбатыштан искән җилнең тизлеге, көчәйгән вакытта, секундына 17 метрга кадәр җитәчәк.

Бүген Татарстанда көндез бераз яңгыр явачак. Көндезге һава торышы +7..+12 градус тәшкил итә. Казанда шулай ук яңгыр көтелә, һава температурасы +9..+11 градуска кадәр җылыта.

Алдагы ике көндә явым-төшемнәр кими: иртәгә – +10..+15, пәнҗешәмбегә +13..+18 градуска кадәр җылытачак.

"Татар-информ" МА материаллары буенча.