Алтынчы  #әдәбимарафон финалистлары

Лаеш мәдәният йортында бүген өч йөздән артык китап сөюче җыелды. 21 көн дәвамында әдәби китаплар укып рухланган җиңүчеләрне котлар өчен исемнәре  республикада гына түгел, илкүләм танылган язучы-шагыйрьләр дә килгән иде. «Каләм әһелләре һәм аларның әсәрләрен укучылар бер сәхнәдә очрашты», — диде үз чыгышында проект авторы Раил Гатауллин.


Чыннан да, беренче марафонда утызга якын кеше катнашкан булса, алтынчы хәрәкәткә 345 кеше кушылган. Проект быел республика чикләрен узып, Омск, Ижау өлкәләрен, Башкортстанны да колачлаган. Татарстан районнары арасында иң актив китап укучылар Апас районыннан булса, Казанда яшәүчеләр дә калышмаган.

Ландыш НӘСЫЙХОВА

Добавить комментарий