Гаилә таркалуының төп сәбәпләре аталды

8 июльдә Россиядә 11 нче тапкыр гаилә, мәхәббәт һәм тугрылык көне билгеләп үтелә. Бу көндә ЗАГС аерылышу өчен гаризалар кабул итми.

Бәйрәмнең үзәге — Изге Петр һәм Феврония яшәгән борынгы Муром шәһәре — нәкъ менә аларның тарихы тугрылык һәм гаилә бәхете үрнәге булып тора. Бөтен ил буенча йөзләгән төрле чаралар узачак: концертлар, хәйрия акцияләре, гаилә кыйммәтләренә багышланган флэшмоблар.

Шуны билгеләп үтәргә кирәк: 2019 нчы елда Россиядә теркәлгән никахлар саны буенча аерылышулар саны кискен артып, барлыгы 608,3 мең тәшкил иткән. Сәбәпләре процентларда күрсәтелде:

— Алкогольгә яман тартылу – 40ка якын %;

— Авыр торак шартлары – 14%;

— Төрле сәбәпләр аркасында гаиләдә бала булмау: наркомания, авыру,табарга теләмәү – 8%;

— Ир белән хатынның төрле шәһәрләрдә булуы – 6%;

— Ир белән хатынның берсе ирекләреннән мәхрүм ителү – 2%;

— Дәваланмый торган авыру – 1%

Бәйрәм уңаеннан, 16:30 сәгатьтә концертлар залында «Казан – бәхетле гаилә шәһәре» конкурсының финал чарасы башлана. 17:30да концерт һәм медальләр тапшыру тантанасы уза. Чараны оештыручылар – шәһәр ГХАТ Идарәсе, балалар һәм яшьләр эшләре комитеты, А.С.Пушкин исемендәге мәдәни үзәк, «Умиление» аналарны яклау үзәге.

Ралинә ЗАҺИДУЛЛИНА

Добавить комментарий