«Проектның мәгънәсе — балаларга канат бирү»

Татарстанда балалар театр коллективлары арасында  I «Next буыны»  республика фестиваленең финалы узачак. 

Конкурс үзенә Татарстанның сигез шәһәреннән 29 театр коллективы әзерләгән 30 спектакль туплаган. Яшь актерлар жюри хөкеменә 30 иҗади эш тәкъдим иткән, алар арасында халык әсәрләре буенча һәм туган телдә куелган спектакльләр, музыкаль спектакльләр, шулай ук моноспектакль, оркестр белән спектакль һәм авторлык пьесалары бар.

«Балаларга профессиональ сәхнәдә чыгыш ясау мөмкинлеге бирү  — канат кую дигән сүз. Без үзебезнең балаларга хыялланырга мөмкинлек бирергә   тиеш. Аларның берничәсе булса да  хыялларның чынга ашуына ышанса, яхшы булыр иде», — дип билгеләп үтте ТР мәдәният министры Ирада Әюпова.

Конкурс өч этапта үткәрелде, аның кысаларында жюри 10 финалист һәм өч лауреат сайлап алды. Беренче балалар фестиваленә нәтиҗәләр 20 майда Казан яшь тамашачылар театрында ясала, анда конкурсның финалы һәм I, II һәм III дәрәҗә дипломантларны һәм катнашучыларны бүләкләү тантанасы узачак.

Фото: Минкульт РТ

Добавить комментарий