Сәлкешләр ял итә

«Сәләт-Шәхес» аланы сменасының яртысы узып та киткән. Ял гөрлиме, башка еллардан ни белән аерыла? Бу хакта заманыңда үзе дә сәлкеш булган, хәзер инде әйдаман Шамил абыйдан (биредә әйдаманнарга башкача дәшмиләр) сораштык.

– Иң элек сәлкешләрнең ремонттан соң балкып киткән яңартылган «Йолдызлы» лагерына шатлануын әйтми булмый. Күңелле булу өстенә, яшәү шартлары да уңай якка үзгәрде бит. Узган ел белән чагыштырганда, пандемия сәбәпле әти-әниләрнең кунакка килүләре, балалар белән очрашулар тыелган. Ләкин балаларның сагынып утырырга вакытлары юк. Яңа базада балаларны шәхес буларак үстерү өчен бөтен мөмкинлекләр бар. Дәресләр, спорт, кичке чаралар – сәләтле кеше барысына да өлгерә ул.

 

Добавить комментарий