Туган тел укытучылары мактаулы исем алды

Бөтенроссия туган тел форумының йомгаклау тантанасында алдынгы укытучыларга мактаулы исем бирелде.

Бу минутларда Иделбуе физик культура спорт һәм туризм академиясендә Халыкара татар теле һәм әдәбияты олимпиадасына нәтиҗә ясала. Әлеге бәйрәм кысаларында дүрт туган тел укытучысына мактаулы исем бирелде. Мөгаллимнәрне ТР Мәгариф һәм фән министры Рафис Борһанов тәбрикләде.

Татар телен үстерүгә, яшь буынны тәрбияләүгә зур өлеш керткәннәре өчен «Татарстан Республикасының атказанган укытучысы» исеменә Рәмзия Вәлиуллина  (Казан), Гүзәл Сәмигуллина (Ульяновск), Фәридә Шәкүрова (Казан), Гүзәлия Әбәйдуллова (Чувашстан) лаек булдылар.

Айгөл ЮНЫСОВА

Добавить комментарий