Улы өчен гаилә эзләүче Айгөл Фазыйловага операция ясаганнар

Яман шеш белән авыручы Айгөл Фазыйловага операция ясаганнар. Бу хакта хатын-кыз социаль челтәрдәге сәхифәсендә хәбәр итә. 

«Дуслар, операция уңышлы узды! Ярдәм кулы сузган һәркемгә зур рәхмәт!» — дип яза Фазыйлова.

Айгөл Фазыйлова улы Әмирне тәрбиягә алачак ата-аналарны табу өчен «Туры эфир» программасына мөрәҗәгать иткән иде.

Хатын-кызның үпкәдәге метастазлар белән сөт бизенең яман шеше дүртенче стадиядә. Фазыйлова инде дүрт ел чир белән көрәшә. Бәхетсез ана алты яшьлек улын балалар йортына алып китүләреннән курка.

 

 

Добавить комментарий