Вераськон куараос. Гласной но согласной куараос

(Урок в V классе на тему «Звуки речи. Гласные и согласные и звуки»)

Надежда Васильева,

учитель удмуртского языка и литературы высшей квалификационной категории средней школы с. Нырья Кукморского района

Учебник: Удмурт кыл, 5-й класс. (Г.Н.Никольская, А.П.Мышкина).

Мугъёс (цели):

– фонетикаен, графикаен, орфоэпиен, орфографиен люкетъёсын тодматон;

– гласной но согласной куараос сярысь басьтэм тодон-валанъёсты муромытон, юнматон;

– удмурт кылэз, вордскем шаерез яратон мылкыд пыӵатон;

– пиналъёсты асьсэ понназы ужаны дышетон.

Уже кутэм материал (оборудование): слайдъёс, мультипроектор, дышетскисьлэн сочинениез, Л.Лекомцевлэн кылбурысьтыз ньыль чурез, суредъёс, словарь.

Уроклэн мынэмез (ход урока).

I. Ӧтен этап (организационный этап)

Урокмес кутскиськом,

Тӥ шоры учкиськом.

Веськрес писпу кадь пукиськом,

Пельёсмес сак возиськом.

– Дасесь-а пельёстэс сак возьыны? (Дасесь.)

– Соку ойдо учкомы доска шоры. (1 слайд)

Ӟечбур, покчи эше! Туннэ асьмеос тодматскомы “Фонетика, графика, орфоэпия, орфография” люкегьёсын. Эскеромы куараосты но букваосты, кызьы кылъёс гожтӥсько но кылӥсько. Таин артэ ик асьмеос тодматскомы вордскем шаерен. Тодӥськод-а, покчи эше, кыӵе писпуос будо, кызьы соос нимасько? Нош тодӥськод-а..? Я, уг ни азинты, ачид ваньзэ адӟод. Ойдо потӥм сюрес вылэ.

– Лыдӟом кылбур чуръёсты. (2 слайд)

Вордскем шаер! Удмурт дунне!

Сюлмысь ик гажасько тонэ!

Яратӥсько ошмесъёстэ,

Луддэ-возьдэ, нюлэсъёстэ. (Л. Лекомцев)

– Ма тодӥськом та чуръёсты лыдӟыса? (Автор данъя вордскем шаерзэ.)

– Пиналъёс, кыӵе мылкыдды кылдӥз? Кластер лэсьтом. (Нылпиос ас мылкыдзыя тупась кылъёс гожъяло.)

Мылкыд (настроение) (капчи, шумпотон, данъяськон, малпаськон,  умой, гажан) (3 слайд)

Словарной уж (словарная работа): тӧдьы, дӧдьы, льӧм. Та кылъёсын малпано предложение.

II. Ужез радъян этап (работа над темой)

– Map меда со сыче «Фонетика», «Графика», «Орфоэпия», «Орфография»? (4 слайд)

Фонетика тодматэ вераськон куараосын.

Графика валэктэ куараосты букваосын пусъёнэз.

Орфоэпия дышетэ кылъёсты шонер вераны.

Орфография эскере кылэз шонер гожтонэз.

– Вераськон куараос луыны быгато гласной но согласной. Кӧня меда соос удмурт кылын? (Удмурт кылын 7 гласной куараос: ([а], [о], [у], [э], [ы], [и], [ӧ]) (5 слайд )

– Нош кӧня меда согласной куараос? (Удмурт кылын 26 согласной куараос.)

– Вань на ӟуч кылысь пырем согласнойёс ([ф], [х], [ц], [щ]) (6 слайд)

– Пиналъёс, табере лыдӟе текстэз. Гожтэ аффрикатаен кылъёссэ. (7 слайд)

Та коркан мон улӥсько. Коркае туж чебер! Тӧр сэргын мудор ӝажы. Со улэ пуктэмын ӝӧк, ӝӧк шобыртэмын ӝӧккышетэн. Борддор кузя сылэ ӟус. Укноосмы чебермамын ӵушконъёсын. Туннэ куное лыктӥзы ӵужанае но ӵужапае.

– Кыӵе люкетъёслы кылъёс люкисько? (Кылъёс люкисько слогъёслы.)

– Кызьы пӧрмо кылъёс? (Куараослэсь пӧрмо слогьёс, слогьёслэсь – кылъёс.)

– Кыӵе куараос пумиськизы? (Пумиськизы [ӝ], [ӟ] , [ӵ], – валче верам куараос, яке аффрикатаос шуисько.)

– Учке доска шоры, сётэм суредъёсыз берыктэ удмурт кылэ. Тодмостэ одӥг гожен гласной куараоссэ. Гожъялэ. Небыт согласнойёсты квадратной скобкаын пусйыса. Та кылъёсын малпано предложение. (8, 9, 10, 11, 12, 13 слайдъёс)

Сосна – пужым, ель – кыз, берёза – кызьпу, рябина – палэзьпу, можжевельник – сусыпу, черёмуха – льӧмпу, клён – бадьпу.

– Озьыен, пиналъёс, асьме шаерын кыӵе писпуос будо? (Асьме шаерын будо пужымъёс, кызъёс, кызьпуос, палэзьпуос, сусыпуос, льӧмпуос, бадьпуос.)

– Кыӵе гласной куараос пумиськизы? (Пумиськизы [а], [о], [у], [ы], куараос).)

Физкультминутка.

Мылысь-кыдысь жильыртӥсько,

Будосъёсты пылатӥсько.

Сюрес вылам ке нош султӥз –

Юн кӧльыез пилё шортӥз. (Шур)

– Нош али ужмес азьланьтом. Лыдӟом Леналэсьсочиненизэ. (14 слайд)

«Россиялэн карта вылаз пичи гинэ инты басьтэ мынам шаере – Татарстан. Пичи гинэ ке но, со тодмо пӧртэм калыкъёслы. Нош та шаерын оглюкетэз луэ Кукмор ёросысь Нырья гуртэ.

Яратӥсько мон вордскем шаерме. Со сярысь кырӟасько, кылбуръёс лыдӟисько. Тани мон самолётэн вылӥе ӝутски. Укноетӥ учкисько. Макем чебер адско буртчин турынэн шобырскем возьёс, юэн гыась бусыос! Соосты вандыса кадь кытчы ке кошко шуръёс, ошмесъёс.Писпуосын шыпыртӥсь нюлэсъёстӥ бызьыло пӧртэм пӧйшуръёс».

–  Кызьы пӧрмемын текстысь предложениос? (Предложение пӧрмемын кылъёс но кыл сочетаниос куспазы герӟаськыса.)

– Map вералоды та сярысь? Вордскем гуртэз маин дуно Леналы? Кызьы нимасалды? (Лена гожтэм вордскем шаерез сярысь. Со данъяське гуртэныз, возьёсын, бусыосын, шуръёсын, ошмесъёсын, писпуосын, нюлэскын улӥсь пӧйшуръёсын)

– Кыӵе куараослэсь пӧрмемын кылъёс? (Текстысь кылъёс пӧрмемын гласной но согласной куараослэсь, аффрикатаослэсь.)

– Али люкиськомы кык группалы.

– Тодӥськоды-а, пиналъёс, кыӵе пудо-животъёс вордо гуртады?

– Кыӵе пӧйшуръёс уло нюлэскын?

– Пиналъёс, кыӵе кылъёс, малпанъёс кылдо, пудо-животъёс но пӧйшуръёс ке шуиськом?

– Лэсьтом кластер.

1-я группа – лэсьтэ кластер пудо-животъёс кыллы. Тодмостоно кык гожен согласной куараосты, аффрикатаосты. (Коӵышпи, ӵӧжпи, ыж, скал, вал, ӟазег.)

2-я группа – лэсьтэ кластер пӧйшуръёс кыллы. Тодмостоно одӥг гожен гласной куараосты, аффрикатаосты  (кион, ӟичы, коньы, лудкеч, койык, гондыр).  (15 – 28 слайдъёс)

– Малпано вакчияк текст пудо-животъёс но пӧйшуръёс сярысь.

– Доска шоре учке. Мае адӟиськоды? (Доска вылысь адӟиськом ӝог- веранъёсты.)

– Ӝогверанъёсты нырысь каллен лыдӟе, собере ӝоггес, кылысь котькуд куаразэ висъяса. (29 слайд)

1. Герей гыре герыен.

2. Ойдо ӝог, ӝӧк вылын ӝук.

3. Шушы шур дурысь шупуын шула.

– Ойдолэ кылдытоме предложение огкадь куараосын кутскись кылъёслэсь. Кылсярысь: Валя ву вае. (Петя пу пильылэ. Пуэз позырес. Витя возь вылэ васькиз. Пилиз – пуэз палдӥз.)

III. Рефлексия

– Табере ойдо гожтомы синквейн. (30 слайд)

1-я группа:

1. Пуны (собака).

2. Мусо, лусьтро (любимая, лохматая).

3. Уте, возьма, утэ (охраняет, сторожит, лает).

4. Пуны – адямилэн матысь эшез. (Собака – друг человека.)

5. Эш (друг).

2-я группа:

1.Ӟичы (лиса).

2. Кескич, быжо (хитрая, рыжая).

3. Шыра, кылзӥське, зынъяське (ловит, слушает, нюхает).

4. Шыран – самой яратоно ужез. (Ловить мышей – самое любимое занятие).

5. Пӧйшур (зверь).

IV. Йылпумъян (подведение итогов)

– Йылпумъяса тодэме потэ, мар тӥ урокын:

А. Валады

В. Шӧдӥды

С. Map сярысь малпаськиды

Д. Мар лэсьтэмды потӥз

– Туннэ урокын, пиналъёс, умой ужады. Кыӵе мылкыдды? Мынам мылкыды капчи, шумпотӥсько.

– Кызьы дунъяськоды эшъёстылэсь ужъёссэс?

– Усто-а вераськиды?

– Кинлы пуктысалды «5»? Малы?

V. Гуртэ уж (домашнее задание):

– Гожтоно синквейн «вордскем гуртэ» кыл сочетанилы. Тодмостоно одӥг гожен гласной куараосты, кык гожен – согласной куараосты. (Написать синквейн к словосочетанию «родной край». Подчеркнуть одной чертой буквы, обозначающие гласные звуки, двумя – согласные.)