Бердәм дәүләт имтиханы-2017: гаризалар кабул итү дәвам итә

Мәгариф һәм фән өлкәсен күзәтү федераль хезмәте БДИ-2017дә катнашу өчен гаризаларның 1нче февральгә кадәр кабул ителүе турында искәртә. Гаризада укучы БДИ тапшырырга планлаштырылган барлык предметлар да язылган булырга тиеш, дип хәбәр итә Татарстанның Мәгариф һәм фән министрлыгының матбугат хезмәте.

Ике имтихан — рус теле һәм математика — бу елның чыгарылыш сыйныф укучылары өчен мәҗбүри булып тора. Бу предметлардан имтиханны уңышлы тапшыру урта белем турында аттестат алу өчен кирәк. Башка предметлар буенча имтихан укучы теләге буенча бирелә. Алар укуын югары уку йортында дәвам итәргә теләүчеләр өчен мөһим.

Быел чыгарылыш сыйныф укучылары гаризаларны үз мәктәпләренә тапшыралар. Мәктәпне башка елларда тәмамлаганнар гаризаны яшәү буенча мәгариф бүлеге идәрәсенә тапшыралар.

«Татар-информ» МА материаллары буенча.

Добавить комментарий