Безне яклагыз!

Дәүләт Советының утыз өченче утырышы барышында Татарстан Халыклар дуслыгы Йорты директоры  Ирек Шәрипов та чыгыш ясады. «Кичә бер төркем мәктәп директорлары белән очраштык. Алар әйтәләр: «Бүген мәктәптә инде мин директор түгел, анда биш-алты кешедән торган ата-аналар төркеме бар. Алар безгә әйтәләр нәрсә укытырга, ничек укытырга, аерым алганда, татар телен бетерегез, диләр. Шул исәптән, ул минем улым укый торган мәктәпнең директоры [ да шулай ди]. Ул татар гимназиясе. Анда сигез йөз ата-ана баласын китергән татар теле укытырга дип, биш-алты кешелек төркем таләп итә: «Татар телен бетерегез», – дип. Шуңа күрә: «Безне яклагыз!» дигән үтенечне алар җиткерделәр, мин биредәге депутатларга бу ярдәм сорап әйтелгән мөрәҗәгатьне җиткерәм».