«Гаилә һәм мәктәп» журналы редакциясе Татарстан мәгариф һәм фән министры белән очрашты

Татарстан Республикасы Премьер-министры урынбасары – Татарстан Республикасы мәгариф һәм фән министры Энгель Нәвап улы Фәттахов «Гаилә һәм мәктәп» журналының баш мөхәррире Ркаил Зәйдулла, урынбасары Гөлназ Әхтәмҗанова һәм  бүлек мөхәррире Рифә Рахман белән очрашты. Әңгәмә барышында министр яңа коллективка журнал эчтәлегенә карата фикерләрен һәм эчтәлеген камилләштерүгә бәйле теләкләрен җиткерде. Очрашу вакытында сүз, нигездә, милли мәгариф, аның актуаль проблемалары, министрлыкның аларны чишү юлындагы гамәлләре, татар вакытлы матбугаты тирәсендә барды һәм киләчәккә уртак эшләргә юнәлеш бирелде.