КФУда, Россиядә беренчеләрдән булып, спорт өлкәсе психологлары әзерләячәкләр

Яңа уку елында Казан (Идел буе) федераль университетының Психология институты педагогия-психология кафедрасында,  Россиядә беренчеләрдән булып, “Балалар һәм яшүсмерләр спорты психологиясе һәм педагогикасы” магистр программасы ачыла. Бу хакта университетның матбугат хезмәте хәбәр итә.

Татарстанның 160 спорт мәктәбендә 90 мең укучы шөгыльләнә. Алар белән югары физкультура белеме булган 3 мең тренер-педагог һәм бары дүрт психолог эшли.
Кафедра доценты Ольга Лопухова спортсменнарны әзерләүдә психолог-педагогларның рекордлар булдыру өчен генә түгел, ә максатчан, эшсөяр һәм ихтыр көче нык булган шәхесләр тәрбияләүдә дә зур роль уйнавын билгеләп үтә.

 «Татар-информ» МА материаллары буенча.

Добавить комментарий