Физкультура дәресен шугалакларда

Дәүләт Думасында Хөкүмәт Рәисе Михаил Мишустинга ачык һәм өсте ябулы боз шугалакларында физкультура дәресләре үткәрү өчен тиешле шартлар тудыру мөмкинлеген карау үтенече белән мөрәҗәгать иткәннәр. РИА Новости агентлыгы хәбәр иткәнчә, Думаның мәгариф комитеты әгъзасы Анна Скрозникова шундый тәкъдим белән чыккан.

Скрозникова сүзләренчә, әле 2015 елда ук РФ Мәгариф һәм фән министрлыгы Россия субъектларына мәктәп, техникум һәм югары уку йортларында физкультура дәресләре өчен тәкъдимнәр сыйфатында спортның фигуралы шуу, җиңел атлетика һәм өстәл теннисы кебек төрләрен үстерү буенча белем бирү программалары җибәргән булган.