Яңа ел бәйрәмнәрендә Казанга 170 меңгә якын турист килде

31 декабрьдән 8 гыйнварга кадәр ТР башкаласына 169 мең турист килде. Бу хакта аппарат киңәшмәсендә Башкарма комитетның Туризмны үстерү комитеты директоры Дарья Санникова белдерде, дип хәбәр итә Казан мэриясе матбугат хезмәте.

«Кунакханәләрнең 90 процент тулуы – бер яктан, һичшиксез, әйбәт сан, ул Казанга карата кызыксынуны күрсәтә. Икенче яктан, бәйрәм һәм ял көннәре булуын күрсәтә, шул исәптән җәйге һәм кышкы чорда отельләр катастрофик рәвештә җитми. Бу мәсьәләне хәл итүне читкә куярга кирәкми», – дип билгеләп үтте мэр Илсур Метшин.

Аның сүзләренчә, шәһәрнең Архитектура һәм шәһәр төзелеше идарәсе кунакханә бизнесын урнаштыру өчен яңа урыннар һәм вариантлар тәкъдим итү өчен Җир һәм милек мөнәсәбәтләре комитеты белән активрак эшләргә тиеш.

Чыганак: "Татар-информ"