БДИны телдән

31 июль 2026 Әдилә БОРҺАНОВА

Россия мәгариф һәм фән өлкәсендә күзәтчелек хезмәте 2030 елга тарих фәненнән БДИның телдән тапшыру моделен кертергә җыена.

Алга таба шундый ук формат әдәбият имтиханында да барлыкка килергә мөмкин, дип хәбәр итә ведомство башлыгы Анзор Музаев.

«Без кайбер гуманитар предметлар буенча имтиханны телдән тапшыру моделен эшләүгә керешәбез. 2028 елда тугызынчы сыйныфлар тарихтан имтиханны телдән тапшырачак», ‒ диде ул.

Анзор Музаев билгеләп үткәнчә, имтиханны тапшыруның әлеге моделен гамәлгә кертү өчен 4-5 ел кирәк булырга мөмкин.

Фото: Гүзәл Закирова