«На краю» детектив веб-сериалының икенче сезоны дөнья күрде

Сериал Интернетны үстерү институты (ИРИ) ярдәме белән гамәлгә ашырыла.

Һәр серия интернет-җинаятьләргә бәйле реаль вакыйгаларга нигезләнгән. Проектның төп максаты –  балалар һәм яшүсмерләрнең цифрлы грамоталылыгын арттыру, аларга интернетта критик фикер йөртү, шәхси чикләрен саклау һәм үз гамәлләре өчен җаваплылык тоюның мөһимлеген аңлату.

Сериал геройлары үз хаталарыннан сабак ала, гамәлләренең нәтиҗәләрен аңларга һәм цифрлы мохиттә җаваплы булырга өйрәнә. Бу юлда аларга дуслары, остазлары һәм гаиләләре ярдәм итә.