Кама Тамагы каратайлары

Алар арасында  каратайлылар булуын  күпләр белмидер әле. «Мәгариф» журналы иҗат төркеменең чираттагы сәфәре вакытында Мордва Каратае авылы мәдәният йортында аз санда  калып баручы каратайлар белән очрашу булды. Аны район мәгариф идарәсе җитәкчесе Елена Гимадеева алып барды. Бу халыкның килеп чыгышы, бу төбәктә тормыш итү рәвешләре, гореф-гадәтләре, телләре һәм дини йолалары, җан исәп вакытында ни өчен аларны мукшылар белән бергә кушып санаулары хакында сөйләде. Авылдашлары, чордашларының фикерләре аныкы белән үрелеп барды. Тагын кайсы төбәкләрендә әлеге халыкларны очратканыгыз бар, әллә алар шушы районда гына яшиләрме?  Әлеге халык язмышы белән тирәнтен кызыксынучы Мәскәүдә яшәүче милләттәшебез, педагогика фәннәре кандидаты Марат Сәфәровның  очрашуда катнашучыларга сораулары аеруча күп булды. Бу турыда тулырак «Мәгариф» журналының «Елена Гимадеева: «С гордостью называю себя каратайкай»  (2021 ел, апрель)  һәм киләсе чыгарылышлардагы язмалардан укып белә аласыз.

Автор фотолары