Казанда Бөтенроссия китапханә конгрессы

19–24 майда Казанда Бөтенроссия китапханә конгрессы: Россия китапханәләр ассоциациясенең XXVIII Конференциясе узачак.
Киң һөнәри программага пленар һәм тематик утырышлар, «Комплектатор мәктәбе», «Каталогизатор мәктәбе», «Реставратор мәктәбе», «Китапханә блогеры мәктәбе» уку-укыту семинарлары, күчмә лаборатория һәм башка чаралар кертеләчәк, дип хәбәр итә Казан мэриясенең матбугат үзәге.

Конгресс вакытында нәшрият продукциясе, яңа мәгълүмати технологияләр, китапханәләр өчен товарлар һәм хезмәтләр күргәзмәсе, шәһәр халкы һәм кунаклары өчен китап ярминкәсе эшләячәк.

Казан 2024 елда Россия китапханәләре башкаласы, дип игълан ителде.

Фото: Денис Гордийко