Краснодарда әдәби кичә оештыралар

Краснодар шәһәрендә 17 февраль көнне шагыйрь Муса Җәлилнең тормышы һәм иҗатына багышланган «Гомерем минем моңлы бер җыр иде, үлемем дә яңгырар җыр булып» дип аталган әдәби кичә үтәчәк. Бу хакта «Булгар-К» Краснодар төбәге татар җәмгыяте ВКонтакте социаль челтәрендәге сәхифәсендә хәбәр итә.

Чара 17.00 сәгатьтә, Краснодар шәһәренең Красноармейская урамы, 53 йорт адресында оештырыла.

Әдәби кичәдә катнашырга, шигырьләр укырга теләүчеләрне эзлибез, диелә хәбәрдә.

Чыганак: "Татар-информ"