Мәгариф министры журналистларны очрашуга җыя

18 декабря 2023 Admin

Илсур Һадиуллин журналистларны җыеп 2023 елга нәтиҗәләр ясаячак.

Бүген республиканың мәгариф министры Илсур Һадиуллин, журналистларны җыеп, 2023 елга нәтиҗәләр ясаячак. Очрашу Казан шәһәренең яңа ачылган 107 нче мәктәбендә узачак.

Шулай ук биредә Татарстан Республикасында Мәгариф һәм фән темасын иң яхшы яктырту буенча «Сыйныф эше!» бәйгесендә катнашучы журналистларны да билгеләп үтәчәкләр.

Конкурста ел саен төрле массакүләм мәгълүмат чаралары редакцияләре, журналистлар, блогерлар, фотокорреспондентлар катнаша. Алардан Мәгариф һәм фән үсешенең юнәлешләрен кызыклы һәм объектив яктырту таләп ителә, эшләр конкурс материалларына куелган критерийларга туры килергә тиеш.

Фәния Лотфуллина