Марсель Миңнуллин: Сәламәтлек саклауга бәйле мәсьәләләрне кузгату планы бар

ТР сәламәтлек саклау министры Марсель Миңнуллин Казан шәһәре Сәламәтлек саклау идарәсенең йомгаклау коллегиясендә, диспансеризация үтү процессы уңайлырак булачагы хакында сөйләп узды.

«Якын арада Казан, Түбән Кама, Әлмәт, Чаллы кебек зур шәһәрләрдә амбулатор звено эшендә билгеле бер үзгәрешләр булачак. Бу – поликлиникаларда диспансеризация үтү өчен аерым зоналар», - дип ассызыклады министр.

Марсель Миңнуллин әйтүенчә, авылда сәламәтлек саклауга бәйле мәсьәләләрне кузгату һәм бу җирлектә диспансеризациягә тагын да җентеклерәк якын килү планы да бар. Шулай ук кеше диспансеризация узарга тиешле вакыт кысалары да билгеләнәчәк.