Өйдә укучыларның БДИдан нәтиҗәләре сөендерми

Бүген ТР мәгариф һәм фән министры Илсур Һадиуллин журналистлар белән очрашуда өйдә укучылар турында да сөйләп үтте. 

"Аларның саны уку елы уртасыннан язга кадәр арта. Әмма нәтиҗәләр сөендерми. Өйдә укучыларның БДИ имтиханнары буенча рус теленнән – 7, математикадан – 11, тарихтан 15 баллга кимегән. Ничек кенә булмасын, безнең фикер шул ук кала. Бернинди җитди сәбәпләрсез гаиләдә укуга күчү әйбәт күренеш түгел. Әти-әниләр бу турыда уйлансын иде," – дип сөйләде министр.

Фәния Лотфуллина