Сөембикә манарасы төзекләнәчәк

Әлеге  тарихи корылманың җитешсез яклары белгечләргә күптән билгеле, әмма кешеләр өчен әлегә куркыр берни дә юк. Шулай да 2024 елның октябрендә Казанда узачак БРИКС саммитына Сөембикә манарасын төзекләндерү күздә тотыла.

«Татинвестгражданпроект» фәнни-җитештерү предприятиесе  бүгенге көндә шуңа бәйле рәвештә документация эшләрен башкара, аннары ремонтлаучылар  бу бинаның тышкы ягын яңартуга керешәчәк. Эчке яктан ныгыту эшләре бюджеттан ничек финанслауга карап  башкарылачак»,  – диде Татарстанның мәдәни мирас объектларын саклау комитеты рәисе Иван Гущин.