Татар телен өйрәтүгә 1 миллион бирәләр
Казанда башкарма комитеты татар теленә йөз белән борылырга булды, күрәсең. Татар телен өйрәтү проектлары өчен бер миллион сумга кадәр грант таратырга әзерләр.Бу мөмкинлек «Үз телем» бәйгесен башлап җи...
Казанда башкарма комитеты татар теленә йөз белән борылырга булды, күрәсең. Татар телен өйрәтү проектлары өчен бер миллион сумга кадәр грант таратырга әзерләр.
Бу мөмкинлек «Үз телем» бәйгесен башлап җибәрү белән барлыкка килгән, диделәр Туган телләр һәм халыклар бердәмлеге елы кысаларында Казанда узачак проектларга багышланган матбугат очрашуында.
Әлеге бәйгедә катнашыр өчен татар телен өйрәтүче кызыклы проектлар тәкъдим итәргә кирәк. Ул мәктәп укучылары, студентлар һәм 35 яшькә кадәр яшьләр арасында үткәрелә. Гаризаларны бишенче апрельдән кабул итә башлаганнар инде, 1-17 майда проектны сайлап алу туры булачак. Проектларга акчалата премия эшләрнең эчтәлегеннән чыгып биреләчәк.
Казан мэриясе оештырган тагын бер кызыклы бәйгеләрнең берсе – «Саумы, Казан». Монда һәркем үзенең Казаны турында хикәя язып, шәһәрне кызыклы ракурслардан сурәтләп катнашырга мөмкин.
– Без моң дибез, тирән проблемалар турында сөйлибез. Чынлыкта исә безгә балалар, яшүсмерләр турында уйларга кирәк. Ни өчен без татар проектларын ассызыкладык? Чөнки апрель – Тукай, шигърият ае. Аңа карамастан, «Саумы, Казан» бәйгесен без ике телдә оештырдык, – дип сөйләде Казан шәһәре башкарма комитеты җитәкчесе урынбасары Гүзәл Сәгыйтова.
Конкурс тәмамлангач, иң яхшы әдәби әсәрләрне бер китапка туплап, Казан турында җыентык бастырылачак. Башка халыкларның телен, гореф-гадәтләрен саклауга килгәндә, спикерлар бөтен серләрне ачып бетерергә ашыкмады. Җәй көне Идел буе халыклары фестивале оештырылуы һәм метро вагоннарын төрле халыклар стилендә буярга планлаштыруы турында гына мәгълүм булды.
Бу мөмкинлек «Үз телем» бәйгесен башлап җибәрү белән барлыкка килгән, диделәр Туган телләр һәм халыклар бердәмлеге елы кысаларында Казанда узачак проектларга багышланган матбугат очрашуында.
Әлеге бәйгедә катнашыр өчен татар телен өйрәтүче кызыклы проектлар тәкъдим итәргә кирәк. Ул мәктәп укучылары, студентлар һәм 35 яшькә кадәр яшьләр арасында үткәрелә. Гаризаларны бишенче апрельдән кабул итә башлаганнар инде, 1-17 майда проектны сайлап алу туры булачак. Проектларга акчалата премия эшләрнең эчтәлегеннән чыгып биреләчәк.
Казан мэриясе оештырган тагын бер кызыклы бәйгеләрнең берсе – «Саумы, Казан». Монда һәркем үзенең Казаны турында хикәя язып, шәһәрне кызыклы ракурслардан сурәтләп катнашырга мөмкин.
– Без моң дибез, тирән проблемалар турында сөйлибез. Чынлыкта исә безгә балалар, яшүсмерләр турында уйларга кирәк. Ни өчен без татар проектларын ассызыкладык? Чөнки апрель – Тукай, шигърият ае. Аңа карамастан, «Саумы, Казан» бәйгесен без ике телдә оештырдык, – дип сөйләде Казан шәһәре башкарма комитеты җитәкчесе урынбасары Гүзәл Сәгыйтова.
Конкурс тәмамлангач, иң яхшы әдәби әсәрләрне бер китапка туплап, Казан турында җыентык бастырылачак. Башка халыкларның телен, гореф-гадәтләрен саклауга килгәндә, спикерлар бөтен серләрне ачып бетерергә ашыкмады. Җәй көне Идел буе халыклары фестивале оештырылуы һәм метро вагоннарын төрле халыклар стилендә буярга планлаштыруы турында гына мәгълүм булды.
Лилия САДРЕТДИНОВА
Язмага реакция белдерегез
Вход на сайт
Татар милләтеннән космонавтлар юк?
Россиядә дөнья күләмендә бик тә шөһрәтле көнне - Космонавтика көнен билгеләп үттеләр! Быел әле бигрәк тә үзенчәлекле ул. Ник дигәндә, илебез гражданы Юрий Алексеевич Гагаринның галәмгә юл яруына төп-т...
Россиядә дөнья күләмендә бик тә шөһрәтле көнне - Космонавтика көнен билгеләп үттеләр! Быел әле бигрәк тә үзенчәлекле ул. Ник дигәндә, илебез гражданы Юрий Алексеевич Гагаринның галәмгә юл яруына төп-төгәл 60 ел. Ничектер, бу дата соңгы вакытта беркадәр тоныклана төшкән кебек үземә. Юкса моннан ун ел элек – 2011 елны хәтта Россия күләмендә тулаем Космос елы дип игълан ителүен дә хәтерлисездер әле. Быел көне килеп җиткәнчегә кадәр, ни матбугатта, ни телевидениедә бу хакта артык шаулаучы да булмады шикелле. Юкса инициатив төркем 12 апрель – Космонавтика көнен Гагарин көне буларак, ял көне итү турындагы тәкъдиме белән дә чыккан иде, ул да һавада асылынып калды бугай.
Тик шулай да галәмне буйсындыру кешелек дөньясы өчен һәрчак алгарыш һәм үсеш символы булды һәм бу хәзер дә шулай. Галәм киңлекләрен үзләштерү, өйрәнү дәвам итә. Бүгенге көндә дөньяда 565 космонавт исәпләнә. Шулардан иң күбе – Америка Кушма Штатларыныкы. Ә Россиянең 124 космонавты бар. Тик әлегә алар арасында татар милләтеннән булганнар гына юк. Бу – уйландыра торган факт. Югыйсә моннан ун ел элек безнең «Мәгариф» журналы Хәлил Гайнетдинов белән Ким Шакировның «Галәмгә омтылган милләттәшләребез» дигән язмасы аша (Мәгариф. – 2011. – №5, 6, 7, 11) галәм киңлекләрен өйрәнүгә үз өлешләрен керткән татарлар белән таныштырган идек. Шушы ук авторларның «Җиһан көтә татарларны» дигән бик тә саллы һәм бай мәгълүматлы китабы белән дә кайберләрегез таныштыр. Тик әлегә татарлар арасында татарлар булмаса да, Татарстанның инде үз космонавты бар. Ул – тумышы белән Бөгелмәдән булган Сергей Рыжиков. Быелгы Космонавтика көнен ул безне галәмнән «күзәтә». Аның инде икенче тапкыр галәмгә очуы. Космонавтика көне уңаеннан ул Түбән Камадагы 66 нчы балалар бакчасында тәрбияләнүчеләргә Халыкара космик станциядән котлау җибәрде. 17 апрельдә аның исән-сау Җиргә әйләнеп кайтуын көтәбез.
Шулай ук һәр төбәкнең, һәр районның космос тикшеренүләре белән бәйле горурланырлык шәхесләре бар. Мисалга Мамадыш районын гына китерим. Әйтик, тумышы белән шушы районның Шүләңгер авылыннан булган академик Камил Вәлиев совет ракеталары өчен интеграль җиһазлар җитештергән «Микрон» заводы директоры чагындагы эшчәнлеге өчен Ленин премиясенә лаек була.
Техник фәннәр докторы, КАИның очу аппаратларын конструкцияләү һәм проектлау кафедрасы профессоры Мансур Фоат улы Гарифуллинның да бар эшчәнлеге авиация космонавтикасы белән бәйле булган. Владимир Валерьевич Астапов исә Россия космик приборлар төзелеше фәнни-тикшеренү институтында космик аппаратлар белән идарә итү системалары төзүдә катнашкан.
Димәк, космосны үзләштерү өлкәсендә дә горурланырлык эшләребез, йолдызларга тиңләрдәй күркәм шәхесләребез бар.
Тик шулай да галәмне буйсындыру кешелек дөньясы өчен һәрчак алгарыш һәм үсеш символы булды һәм бу хәзер дә шулай. Галәм киңлекләрен үзләштерү, өйрәнү дәвам итә. Бүгенге көндә дөньяда 565 космонавт исәпләнә. Шулардан иң күбе – Америка Кушма Штатларыныкы. Ә Россиянең 124 космонавты бар. Тик әлегә алар арасында татар милләтеннән булганнар гына юк. Бу – уйландыра торган факт. Югыйсә моннан ун ел элек безнең «Мәгариф» журналы Хәлил Гайнетдинов белән Ким Шакировның «Галәмгә омтылган милләттәшләребез» дигән язмасы аша (Мәгариф. – 2011. – №5, 6, 7, 11) галәм киңлекләрен өйрәнүгә үз өлешләрен керткән татарлар белән таныштырган идек. Шушы ук авторларның «Җиһан көтә татарларны» дигән бик тә саллы һәм бай мәгълүматлы китабы белән дә кайберләрегез таныштыр. Тик әлегә татарлар арасында татарлар булмаса да, Татарстанның инде үз космонавты бар. Ул – тумышы белән Бөгелмәдән булган Сергей Рыжиков. Быелгы Космонавтика көнен ул безне галәмнән «күзәтә». Аның инде икенче тапкыр галәмгә очуы. Космонавтика көне уңаеннан ул Түбән Камадагы 66 нчы балалар бакчасында тәрбияләнүчеләргә Халыкара космик станциядән котлау җибәрде. 17 апрельдә аның исән-сау Җиргә әйләнеп кайтуын көтәбез.
Шулай ук һәр төбәкнең, һәр районның космос тикшеренүләре белән бәйле горурланырлык шәхесләре бар. Мисалга Мамадыш районын гына китерим. Әйтик, тумышы белән шушы районның Шүләңгер авылыннан булган академик Камил Вәлиев совет ракеталары өчен интеграль җиһазлар җитештергән «Микрон» заводы директоры чагындагы эшчәнлеге өчен Ленин премиясенә лаек була.
Техник фәннәр докторы, КАИның очу аппаратларын конструкцияләү һәм проектлау кафедрасы профессоры Мансур Фоат улы Гарифуллинның да бар эшчәнлеге авиация космонавтикасы белән бәйле булган. Владимир Валерьевич Астапов исә Россия космик приборлар төзелеше фәнни-тикшеренү институтында космик аппаратлар белән идарә итү системалары төзүдә катнашкан.
Димәк, космосны үзләштерү өлкәсендә дә горурланырлык эшләребез, йолдызларга тиңләрдәй күркәм шәхесләребез бар.
Таһир САБИРҖАНОВ
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар