Редакциябездә эшләп лаеклы ялга чыккан хезмәттәшләребезне Өлкәннәр көне белән котладык

«Мәгариф» һәм «Гаилә һәм мәктәп» журналлары редакциясе һәр елдагыча октябрь башында ветераннар белән очрашып, аларның хәл-әхвәлләрен белеп кайтты. Әзерләгән күчтәнәчләр ветераннарыбыз күңеленә дә хуш килде. Без исә, лаеклы ялда булуларына карамастан, өлкән хезмәттәшләребезнең редакция тормышы, журнал эчтәлеге белән таныш булуларына сөенеп кайттык.

Ә «Гаилә һәм мәктәп» журналының чишмә башы булган «Мәгърифәт»  газетасының баш мөхәррире Хөсәен Вәлиәхмәтов исә үзе безнең хәлне белергә кергән. Ул да редакция хезмәткәрләренә игътибар өчен зур рәхмәт белдерде һәм эшебездә зур уңышлар теләде.