Рус мәктәпләрендә укучы балалар өчен татар теле буенча олимпиада биремнәре

Быел татар теле буенча олимпиаданың муниципаль этабы биремнәрен рус мәктәпләрендә укучы дистәләгән бала үтәде. Катнашучыларга тәкъдим ителгән биремнәрне «Мәгариф» порталында да урнаштырабыз.

Киләчәктә олимпиадада катнаша алырлык укучыларны башлангыч сыйныфларда ук күреп алып, әзерли башлау отышлы. Әзерлек барышында, биремнәр башкарудан тыш, төрле иҗади конкурсларда, фәнни-гамәли конференцияләрдә катнашу, чыгыш ясау да баланың сәләтен, телгә булган кызыксынуын арттырыр, аңа үсәр өчен шартлар тудырыр һәм аның кайсы яктан көчле булуын ачыклау мөмкинлеге бирер.