Татарстан халкын озын яллар көтә

 Биш көнлек эш атнасында Татарстан халкы 10, 11, 12, 15, 16 һәм 17 июнь көннәрендә ял итәчәк. Бу хакта Татарстан Республикасы Хезмәт, эш белән тәэмин итү hәм социаль яклау министрлыгының матбугат хезмәте хәбәр итә.

РФ Хезмәт кодексының 112 нче маддәсе буенча, 12 июнь — Россия көне — ял көне булып санала.

Хезмәткәрләр тарафыннан ял көннәрен һәм буш көннәрне нәтиҗәле файдалану максатында, Россия Федерациясе Хөкүмәтенең 2017 елның 14 октябрендәге «2018 елда ял көннәрен күчерү турындагы» № 1250 нче карары нигезендә, бу елның 9 июнь шимбәдәге ял көне 11 июнь дүшәмбе көненә күчерелә.

2018 елда Татарстан Президентының «2018 елда Ураза һәм Корбан гаете көннәрен билгеләү турындагы» карары нигезендә, 15 июнь көнне Ураза гаете бәйрәм ителәчәк.

 

 

Добавить комментарий