Татарстан укучылары информатикадан Бөтенроссия олимпиадасында җиңде

Информатика буенча бөтенроссия олимпиадасында җиңүчеләр һәм призерлар билгеле булды. Ярышларның йомгаклау этабы Ульяновскида узды. Бу хакта Татарстан мәгариф һәм фән министрлыгы матбугат хезмәте хәбәр итә.

Олимпиадада унберенче сыйныф укучылары арасында - Рамазан Рәхмәтуллин һәм Әсхат Сәхабиев, тугызынчылардан абсолют җиңүче Илдар Гайнуллин булды.

Олимпиада призерлары булып, КФУның Н.И.Лобачевский исемендәге лицееннан Азат Исмәгыйлов һәм Исмәгыйль Сәйфетдинов, 122нче гимназия укучылары Игорь Зверев, Николай Терехов һәм Арсений Староверов, шулай ук 131нче лицейдан Булат Миннәхмәтов танылган.