Татарстанда 11 яшьлек кыз суда баткан

Фаҗига Апас районында булган. Кыз 24 июньдә, якшәмбе көнне, көндезге өч тирәсендә баткан, дип яза «Татар-информ» агентлыгы.
Ул Коштавылы тирәсендәге зур булмаган ясалма күлдә су коенырга барган. Берникадәр вакыттан соң, бата башлаган. Моны күреп торган берничә кеше  балага ярдәм итәргә өлгермәгән.
Баланың мәетен төптән табып, полиция хезмәткәрләренә биргәннәр.