Җырчы Хәмдүнә Тимергалиева вафат

Татарстанның халык артисты Хәмдүнә Тимергалиева вафат. Бу хакта  Бөтендөнья татар конгрессы матбугат хезмәте хәбәр итә. 
«Хәмдүнә апабыз бүген безне калдырып, бакыйлыкка күчте. Аяз көнне яшен суккандай көтелмәгән, авыр һәм зур югалту. Урыны җәннәттә булсын!», - диелә хәбәрдә.
Татарстанның халык артисты Хәмдүнә Сәетгали кызы Тимергалиева Башкортостан Республикасының Борай районы  Котлыяр авылында дөньяга килгән.
Артистыбыз репертуарында 1000-ләп җыр бар. Хәмдүнә Тимергалиевага 71 яшь иде.

Фото: tatar-congress.org