2000нән артык мәктәп кайнар аш субсидияләре алачак

2021 елның 1 гыйнварыннан Россиянең 2000гә якын мәктәбе башлангыч сыйныф укучылары өчен кайнар аш оештыру өчен акча ала башлаячак.

Премьер-министр Михаил Мишустин хәбәр иткәнчә, моның өчен субсидияләр бирү кагыйдәләренә тиешле төзәтмәләр әзерләнгән инде. Исегезгә төшерәбез, элегрәк РФ Мәгариф һәм фән министрлыгы 2020-2021 елларда укучыларны кайнар аш белән тәэмин итүгә 205 млрд. сум тирәсе бүлеп бирү турында хәбәр иткән иде.

Барлык төбәкләр дә башлангыч мәктәп укучыларын кайнар аш белән тәэмин итү өчен федераль акчалар ала башлады. Министрлар Кабинеты башлыгы сүзләренә караганда, хәзер мондый мәктәпләр саны 38 мең тәшкил итә.

Добавить комментарий

Ваш адрес email не будет опубликован.