2018 елда Татарстан инвалидларга уңайлы мохит тудыруга якынча 27 миллион сум юнәлдергән

Үткән ел Татарстанда инвалидларга һәм аз мобильле халык төркеменә үтемле һәм уңайлы тормыш алып бару шартлары тудыру өчен 26,9 миллион сум юнәлдерелгән. Бу хакта «Татар-информ» агентлыгы хәбәр итә.

Бу акчаларга 25 объект, шул исәптән 12 белем бирү оешмасы, 5 сәламәтлек саклау объекты, 3 спорт объекты, шул ук санда социаль яклау объектлары һәм ике мәдәният йорты җайлаштырылган.

2011-2017 елларда республиканың бөтен 45 район һәм шәһәр округында да социаль өлкәдәге барлыгы 872 объектта аз мобильле гражданнар өчен уңайлы шартлар тудырылган. Әлеге эшләрне финанслау 2,6 миллиард сумны тәшкил иткән.

 

Добавить комментарий