«Ана теле» укытучыларга ярдәмгә килә

Татар телен дөньядагы интерактив белем бирүнең иң яхшы практикаларын кулланып өйрәнегез. Заманча проект EF Education First ның чит телләр укытуда
кулланыла торган алдынгы технологияләренә нигезләнгән һәм үз эченә уникаль эчтәлекне ала.

«Ана теле » Татарстан һәм EF лингвистлары һәм башка белгечләре хезмәттәшлеге нәтиҗәсендә булдырылды. Татарстан  уку курсын һәм барлык интерактив медиа
материалларын эшләде, ә EF проектка академик консалтинг һәм техник үсеш өлкәсендәге тәҗрибәсен кертте. Исегезгә төшерәбез, проект татар теле белән кызыксынучы
ватандашларның күпсанлы мөрәҗәгатьләренә бәйле рәвештә, ТР Президенты Рөстәм Миңнеханов теләктәшлеге белән эшләнде.

Мәктәп Татарстанда яшәүчеләргә генә түгел, чит илләрдәге татар мәдәнияте һәм теле белән кызыксынучыларга да татар телен дөньяның теләсә кайсы почмагында тәүлегенә 24 сәгать түләүсез өйрәнү мөмкинлеген бирә.

Добавить комментарий