Арча укучылары яшь экологлар сафына басты

«Экологик ГТО» проектын тормышка ашыру кысаларында шәһәрдәге 3 нче мәктәпнең беренче сыйныф укучыларына махсус значоклар тапшылырылды. Бу хакта ТР Экология һәм табигать ресурслары министрлыгы матбугат хезмәте хәбәр итә. 
Әлеге мәктәптә  проект инде узган елның сентябреннән эшли. Балаларның тере һәм тере булмаган табигать турындагы белемнәрен арттыру, экологиягә карата мәхәббәт уятуга юнәлдерелгән әлеге чарада  министрлыкның Төньяк территориаль идарәсе белгечләре катнашты.
Укучыларны котлап, алар белән экологик әңгәмәләр үткәрелде. Идарәнең табигатьне саклау белгече Фирдәүсә Латыш яшь экологларны туган якны сакларуга үз өлешен кертергә өндәде, очрашу истәлеге итеп раскраска-дәфтәрләр бүләк итте.

Фото: eco.tatarstan.ru